Ички иштер министрлигинин Борбордук аппаратында ички иштер министринин орун басары Суюнбек Ниязбеков БУУнун Өнүктүрүү программасынын Кыргыз Республикасындагы туруктуу өкүлү Александра Соловьева менен жолугушуусу болуп өттү.
Жолугушуунун жүрүшүндө эки тараптуу кызматташуу маселелери талкууланып, анда негизги басым 2025-жылы Кыргыз Республикасынын Ички иштер министрлигинин ишмердүүлүгүн санариптештирүү маселелери боюнча өз ара аракеттенүүгө бурулду.
Ниязбеков министрлик тарабынан Кыргыз Республикасынын ички иштер органдарынын ишмердүүлүгүн санариптештирүү менен кылмыштуулук менен күрөшүүдө, укук бузуулардын жана гендердик зомбулуктун алдын алууда, кызмат көрсөтүүлөрдө жана калкты тейлөөдө натыйжалуулук жогорулап жаткандыгын белгиледи.
“Министрлик Кыргыз Республикасында Бириккен Улуттар Уюмунун Өнүктүрүү программасы менен кызматташууну жогору баалаарын жана көп жылдар бою БУУнун Өнүктүрүү программасы биздин ишенимдүү жана туруктуу өнөктөшүбүз болуп саналарын белгилеп кетүү зарыл. Бүгүнкү күндө санариптештирүү шартында укук бузуулардын алдын алуу, кылмыштуулук менен күрөшүү, тейлөө сапатын жогорулатуу жана калкты заманбап IT-технологиялардын жана программалык камсыздоонун жардамы менен калкты тейлөө жана тейлөөнүн сапатын жогорулатуу биз үчүн актуалдуу болуп саналат”, – деди министрдин орун басары.
Жолугушуунун соңунда тараптар жемиштүү пикир алмашуу үчүн өз ара ыраазычылык билдирип, биргелешкен ишти улантууга даяр экендиктерин ырасташты.
Ақпарат көзі: сайт https://caravan-info.kg/