ООГАНИСТАН, 2026-жылдын 9-июну – Karavan Info маалымат агенттиги. Ирандын БУУдагы туруктуу өкүлү Амир Саид Ирвани Коопсуздук кеңешинин жыйынында эл аралык коомчулуктун Талибан администрациясы менен үзгүлтүксүз байланышы туруктуулукту чыңдоого жана Ооганстандын учурдагы көйгөйлөрүн чечүүгө салым кошоорун билдирди.

Анын айтымында, өлкөдөгү гуманитардык, экономикалык жана социалдык кыйынчылыктарды чечүүнүн эң натыйжалуу жолу конструктивдүү диалог, ошондой эле принципиалдуу жана практикалык мамиле бойдон калууда.

Ирандык дипломат Ооганстанга байланыштуу маселелер гуманитардык муктаждыктарга, экономикалык кыйынчылыктарга, баңгизаттарды мыйзамсыз жүгүртүүгө каршы күрөшүүгө жана башкаруу маселелерине натыйжалуураак жооп кайтарууга мүмкүндүк берүүчү кызматташтык жана туруктуу өз ара аракеттенүү аркылуу чечилиши керектигин баса белгиледи.

Ошондой эле ал эл аралык коомчулук ооган элинин муктаждыктарын канааттандыруу жана өлкөдөгү туруктуулукту чыңдоо үчүн практикалык жана реалдуу мамиле жасашы керектигин белгиледи.

Бул билдирүүлөр БУУнун Коопсуздук Кеңешинде ооган бийлиги менен эл аралык кызматташуу, гуманитардык кырдаал жана Талибан өкмөтү менен мамилелердин келечеги боюнча уланып жаткан талкуулардын алкагында жасалды.

Сүрөт: AP / Юки Ивамура