ООГАНЫСТАН, 2026-жылдын 19-августу – Karavan Info маалымат агенттиги. Ирандын Түштүк Хорасан провинциясынын губернатору Сейед Мохаммадреза Хашеми Ирандын Махируд менен Ооганстандын батышындагы Фарах шаарынын ортосундагы 120 чакырымдык транзиттик жолдун курулушун аяктоо үчүн 5,5 миллион евродон ашык каражат бөлгөнүн жарыялады.

IRNA агенттигинин маалыматына ылайык, Хашеми бул билдирүүнү Фарах губернатору Мохаммад Мужахид менен жолду карап чыккандан кийин жасады.

Хашеминин айтымында, жолдун 53 чакырымы бүткөрүлүп, колдонууга даяр. Бирок, мурда курулган 64 чакырымдык бөлүгү оңдоону жана калыбына келтирүүнү талап кылат.

Ирандын губернатору Ооганстан менен транспорттук байланыштарды өнүктүрүү Тегеран үчүн стратегиялык артыкчылык экенин белгиледи.

Анын айтымында, жолдун курулушу чек ара соодасын көбөйтүүгө, транспорт чыгымдарын азайтууга жана эки өлкөнүн ортосундагы экономикалык байланыштарды чыңдоого жардам берет.

Сүрөт: ИРНА