ООГАНИСТАН, 2026-жылдын 16-июлу – Karavan Info маалымат агенттиги. Ооганстандын Тышкы иштер министрлигинин маалыматы боюнча, ооган-иран биргелешкен консулдук комиссиясынын бешинчи жыйынында тараптар ооган качкындарынын көйгөйлөрүн, консулдук кызматтарды жана эки тараптуу кызматташтыкты кеңейтүүнү талкуулашкан. Жолугушуунун жыйынтыгында Иран тарап ооган мигранттарынын көйгөйлөрүн чечүүгө көмөктөшүүгө убада берди.
Ведомствонун маалыматы боюнча, жыйынды тышкы иштер министринин орун басары Мохаммад Наим жана Ирандын тышкы иштер министринин консулдук иштер боюнча орун басары Вахид Жалалзаде жетектеди.
Ооганстандын Тышкы иштер министрлигинин маалыматы боюнча, делегациялар ооган качкындары туш болгон кыйынчылыктарды, консулдук кызматтарды көрсөтүү маселелерин жана башка тиешелүү темаларды кеңири талкуулашты.
Ошондой эле, тараптар учурдагы көйгөйлөрдү чечүү, координацияны күчөтүү жана консулдук кызматташтыкты кеңейтүү үчүн биргелешкен комиссиянын үзгүлтүксүз жыйындарын улантууга макулдашышты.
Сүрөт: Ооганстандын Тышкы иштер министрлиги