Астана, 2026-жылдын 6-июну – Karavan Info маалымат агенттиги. Казакстандын президенти Касым-Жомарт Токаев Улуттук символдор күнүнө арналган желекти көтөрүү аземинде сөз сүйлөдү.

Мамлекет башчысы майрамдын өлкөнүн ар бир жараны үчүн өзгөчө маанисин белгилеп, мамлекеттик символдор Казакстандын тарыхын, баалуулуктарын жана көз карандысыздыгын чагылдырарын баса белгиледи.

"Биздин ыйык символдорубуз – элибиздин баалуулуктарынын ачык-айкын көрүнүшү. Алардын ар бири биздин улуттук өзгөчөлүгүбүздү чагылдырат", – деди президент.

Токаевдин айтымында, Герб Казакстандын мамлекеттүүлүгүн, Гимн эркиндиктин үнү, ал эми асман тиреген көк желек өлкөнүн көз карандысыздыгын билдирет.

Ошондой эле, Президент тарых бою казак эли бир туунун астында биригип, биримдикти жана ынтымакты сактап келгенин эске салды. Бүгүнкү күндө Казакстан коомдук биримдикти чыңдоону улантып, ишенимдүү түрдө алдыга жылууда.

Сүрөт: Акорда