Астана, 2026-жылдын 24-августу – Karavan Info маалымат агенттиги. Казакстандын дзюдо боюнча улуттук курама командасы Эквадордун Гуаякил шаарында өткөн кадеттердин дүйнөлүк чемпионатында аралаш командалык мелдеште алтын медалды жеңип алды. Финалда казак дзюдочулары бразилиялык кураманы 4-3 эсебинде жеңип алышты.

Чечүүчү беттеште өлкө намысын Габит Расулхан (60 килограммга чейин), Инжу Жумадан (63 килограммга чейин), Эркен Бекали (81 килограммга чейин), Тогжан Төлөбай (63 килограммдан жогору), Адилжан Жаудинов (81 килограммдан жогору) жана Иянат Жубакан (48 килограммга чейин) коргошту.

Жалпысынан Казакстан командасы Эквадордогу турнирде жеке жана командалык мелдештерде 11 сыйлыкка ээ болду.

Казакстан курама командасынын жеке мелдештердеги көрсөткүчтөрүнүн жыйынтыктары:

• “Алтын” (3): Габит Расулхан (60 кг чейин), Фатима Супыгалиева (52 кг чейин), Адил Жаудинов (90 кг жогору);
• «Күмүш» (3): Адия Жанахмет (40 кг чейин), Адилжан Нурбекен (50 кг чейин), Инжу Жумажан (57 кг чейин);
• “Коло” (4): Бекарыс Кудайберген (50 кг чейин), Ахмет Баубек (60 кг чейин), Эрик Усенов (66 кг чейин), Эркен Бекали (73 кг чейин).

Сүрөт : Эл аралык дзюдо федерациясы