Астана, 2026-жылдын 14-апрели – Karavan Info маалымат агенттиги. Казакстандын тышкы иштер министринин орун басары Арман Исетов Валери Бойе жетектеген Франция Сенатынын Тышкы иштер, коргонуу жана куралдуу күчтөр комитетинин делегациясы менен жолугушту. Тараптар казак-француз стратегиялык өнөктөштүгүн өнүктүрүү келечегин талкуулашты.

Энергетика, транспорт, айыл чарбасы, ошондой эле климаттын өзгөрүшү жана экологиялык туруктуулук жаатындагы кызматташтыкты тереңдетүүгө өзгөчө көңүл бурулду. Парламенттер аралык диалогду кеңейтүүнүн маанилүүлүгү баса белгиленди.

Тараптар өнөктөштүктү андан ары өнүктүрүүгө өз ара берилгендигин тастыкташты.

Сүрөт : Казакстан Республикасынын Тышкы иштер министрлиги