Казакстандын санариптик өнүктүрүү боюнча Вице-министри Малик Олжабеков Россиядагы “Прогресс” ракеталык-космостук борборуна барды. Сапардын максаты жаңы “Союз-5” ракетасын жасоого багытталган Россия-Казакстан биргелешкен “Байтерек”долбоорун ишке ашыруунун жүрүшүн талкуулоо болду.

Иш сапардын жүрүшүндө казакстандык делегация келечектүү ракета-көтөргүчтү түзүү боюнча иштер жүрүп жаткан ишкананын өндүрүштүк аянтчаларын көрүп чыкты. “Прогресс” рок башкы директору Дмитрий Баранов долбоордун азыркы абалы жана жетишилген натыйжалар тууралуу айтып берди.

Эки өлкөнүн өкүлдөрү катышкан жыйында “Байтерек”долбоорун ишке ашыруунун негизги маселелери талкууланды. Тараптар биргелешип иштөөгө берилгендигин ырасташты жана долбоордун ийгиликтүү аякташына ишенимин билдиришти.

“Байтерек” долбоору Казакстандын космос тармагын өнүктүрүүдөгү жана бул чөйрөдө орус-казак кызматташтыгын бекемдөөдөгү маанилүү кадам болуп саналат. Жаңы “Союз-5” ракетасы Казакстандын космостук изилдөөлөр жана коммерциялык учуруу мүмкүнчүлүктөрүн кеңейтет.

Сүрөт: МЦРИАП РК