Казакстан менен Орусиянын ортосундагы Курмангазы чек ара бекетинде Орусияга бараткан 300дөй жүк ташуучу унаа топтолуп калды. Тыгындын келип чыгышына Атырау-Астрахань унаа жолунда оңдоо иштеринин аякташы себеп болгон, бул жүк ташуучу агымдын кескин көбөйүшүнө алып келген.
Азыр чек арадан күнүнө 250-300 жүк ташуучу унаа өтүүгө аракет кылса, өткөрмө бекеттин өткөрүү мүмкүнчүлүгү күнүнө 200 гана унааны түзөт. Мамлекеттик киреше комитетинин өкүлү чек ара кызматы менен биргеликте кечиктирүүлөрдү азайтуу жана жол кыймылын жөнгө салуу чаралары көрүлөт деп ишендирди.
Буга чейин Казакстан менен Орусиянын ортосунда убактылуу соода чектөөлөрү келип чыккан: Россельхознадзор 17-октябрдан тарта айрым казакстандык товарларды, анын ичинде буудайды жана жашылчаларды импорттоого тыюу салган, ал эми Казакстан өз кезегинде орус буудайын импорттоого тыюу салган.
Сүрөт: Pixabay.com/Adgery