Минералдык сырьену комплекстүү кайра иштетүү боюнча Улуттук борбордун казакстандык окумуштуулары Грецияда өткөн престиждүү SIPS 2024, эл аралык саммитине катышты. Бул иш-чара туруктуу өнүгүү маселелери боюнча иштеген дүйнө жүзүндөгү алдыңкы илимпоздорду жана адистерди бириктирет.

Саммиттин негизги идеясы-өнүгүүнүн экологиялык, социалдык жана экономикалык аспектилеринин ортосундагы тең салмактуулукка жетишүү. Казакстандык окумуштуулар форумда кайра иштетилүүчү сырьенун негизинде отко чыдамдуу өндүрүштүн инновациялык технологиясын сунушташты. Бул технология айлана-чөйрөнү коргоого гана салым кошпостон, өлкөнүн экономикалык өсүшүнө жана социалдык өнүгүүсүнө түрткү берет.

Борбордун Астанадагы филиалы өзүнүн он жылдык ишмердүүлүгүндө Казакстандын металлургиялык ишканаларына 15 миң тоннадан ашык отко чыдамдуу буюмдарды жасап чыгарган. Бул өнөр жай калдыктарынын көлөмүн олуттуу кыскартууга жана өлкөнүн бюджетине олуттуу киреше алып келүүгө мүмкүндүк берди.

Сүрөт: КР Өнөр жай жана курулуш министрлиги