Казак чек арачылары Кыргызстан менен чек арада ветеринардык эрежелердин сакталышы боюнча көзөмөлдү күчөттү. Акыркы айларда сүт азыктарын аткезчилик жол менен алып өтүү аракеттери көп жолу токтотулган.

Ошентип, 5-октябрда «Кордай» постунда керектүү документтери жок бир тонна сүт азыктарын ташып бара жаткан унаа кармалган. Жүк артка кайтарылып, айдоочуларга айып пул салынды.

Жыл башынан бери казак-кыргыз чек арасында мындай 77 мыйзам бузуу фактысы аныкталган. Айып пулдун жалпы суммасы 3,2 миллион теңгеден ашкан. Мыйзам бузуулар өзгөчө Кордай постунда көп катталып, 50 административдик материал түзүлгөн.

Сүрөт: freepik.com