Ташкент, 2026-жылдын 11-июну – Karavan Info маалымат агенттиги. Кыргызстандын Улуттук Олимпиада комитетинин президенти жана Эл аралык хоккей федерациясынын Азия жана Океания боюнча аймактык вице-президенти Айваз Оморканов Ташкентке иш сапары менен барды.

Сапарынын жүрүшүндө жогорку даражалуу конок Өзбекстандын спорттук инфраструктурасын өнүктүрүү үчүн курулган Олимпиадалык айылды кыдырып чыкты. Ага спортчуларды машыктыруу жана ири эл аралык мелдештерди өткөрүү үчүн иштелип чыккан комплекстин мүмкүнчүлүктөрү көрсөтүлдү.

Айваз Оморканов ошондой эле Ислам цивилизациясы борборуна барып, анын ишмердүүлүгү жана негизги иш багыттары менен таанышты.

Конокко борбордун тарыхы, анын илимий жана билим берүү долбоорлору, ошондой эле Өзбекстандын бай тарыхый мурасы жана аймактын көрүнүктүү окумуштууларынын ислам цивилизациясынын өнүгүшүнө кошкон салымы тууралуу маалымат берилди.

Сапардын аягында Айваз Оморканов Улуттук Олимпиада комитетинде өзбек расмий өкүлдөрү менен жолугушуп, эки тараптуу кызматташтык маселелери кеңири талкууланды.

Сүрөт: Өзбекстандын Олимпиада комитети