Кыргызстандын U-20 жаштар курамасы жаңы башкы машыктыруучу Сергий Пучковдун жетекчилиги астында Азия Кубогунун финалдык этабына даярдыктарды баштайт. Бул тууралуу кыргыз футбол биримдигинен билдиришти. 

Эске сала кетсек, биздин команда 12-февралдан 1-мартка чейин Шэньчжэнь шаарында (Кытай) өтө турган континенталдык турнирде ойнойт.

Кыргызстан курамасы Австралия, Кытай жана Катар курамалары менен бир тайпада жайгашкан.

Даярдыктын биринчи этабынын алкагында биздин команда Ысык-Көлдүн «Кыргызское взморье резорт» пансионатында старттык окуу машыгуу жыйындарын өткөрөт.

Андан ары 1-январдан тарта команда Испанияда окуу-машыгуу жыйынын улантып, 5 контролдук беттеш өткөрөт. Андан соң курамабыз турнирге катышуу үчүн Кытайга сапар алат.

Ақпарат көзі: сайт https://caravan-info.kg/