ООГАНСТАН, 2026-жылдын 15-апрели – Karavan Info маалымат агенттиги. Кытайдын Кызыл Крести жакында болгон суу ташкындарынан жана жер титирөөлөрүнөн жабыркаган оогандарды колдоо үчүн 100 000 доллар өлчөмүндөгү гуманитардык жардам берди. Каражат Ооганстандын Кызыл Жарым Ай коомуна которулду.

Кытайдын Ооганстандагы миссиясынын өкүлү Бай Чжоу Кытай Ооганстан менен тыгыз жана достук мамиледе экенин айтып, бул жардам жабырлануучулар үчүн турак жай курууга салым кошот деп үмүттөнөрүн билдирди.

Өз кезегинде Кызыл Жарым Айдын башчысы Шахабуддин Делавар Кытайга көрсөткөн колдоосу үчүн ыраазычылык билдирип, Бээжин каржылык жардам гана эмес, саламаттыкты сактоо тармагында да жардам көрсөтүп жатканын белгиледи.

Сүрөт: Бахтар маалымат агенттиги