ООГАНИСТАН, 2026-жылдын 23-октябры – Karavan Info маалымат агенттиги. Кытайдын Шаньдун провинциясынан Ооганстандын Хайратан портуна биринчи адистештирилген жүк ташуучу поезд жөнөп кетти.

Поездде жалпы баасы болжол менен 8 миллион юань болгон текстиль, химиялык чийки заттар, жабдуулар жана курулуш техникалары ташылат.

Синьхуа агенттигинин маалыматы боюнча, бул каттам Казакстан жана Өзбекстан аркылуу өтөт. Поезд Аму-Дарыянын жээгиндеги Балх провинциясындагы порт шаары Хайратанга болжол менен 20 күндө жетет деп күтүлүүдө.

Жаңы каттамдын ачылышы транспорттук чыгымдарды азайтуу жана Кытай менен Ооганстандын ортосундагы сооданы жеңилдетүү максатында жасалууда.

Сүрөт: Haama Press