Тажикстандын Улуттук китепканасынын директору Жумахон Файзализод менен Германия Федеративдүү Республикасынын Тажикстандагы элчисинин орун басары Мартин Лангердин жолугушуусунда Гете институту менен Тажикстандын Улуттук китепканасынын ортосунда кызматташуу жана өз ара түшүнүшүү жөнүндө Меморандумга кол коюу маселеси талкууланды. Бул тууралуу Тажикстандын Улуттук китепканасы билдирди.

Мартин Лангер кызматташууну бекемдөө максатында Германиянын тышкы иштер министрлигинин Чыгыш Европа, Кавказ жана Борбордук Азия маселелери боюнча өкүлү Конрад Хельмут артс фон Штраусенбург ноябрь айында Улуттук китепканага барарын жана жолугушуу учурунда өз ара түшүнүшүү жөнүндө Меморандумга кол коюу пландалып жатканын белгиледи.

Гете институтунун Улуттук китепкана менен кызматташуусу китепкана илими, кызматкерлердин илимий алмашуусу, адистерди чет өлкөгө стажировкага жөнөтүү, анын ичинде Германия, китепкана таануу боюнча кадрларды даярдоо жана алган билимдерин практикалык колдонуу сыяктуу багыттарды камтыйт. Бул демилгелер чоң пайда алып келери шексиз.

Сүрөт: ачык булактардан