МОСКВА, 2026-жылдын 19-июлу – Karavan Info маалымат агенттиги. Жогорку температурага байланыштуу Москвада 19 жана 20-июлда кызгылт сары түстөгү аба ырайы боюнча эскертүү жарыяланды.

Орусиянын Гидрометеорологиялык борборунун маалыматы боюнча, күндүзгү температура айрым жерлерде +30 градус Цельсийге жетет. Эскертүү 19-июлда саат 12:00дөн 20-июлда саат 18:00гө чейин күчүндө болот.

Орусиянын Москвадагы Өзгөчө кырдаалдар министрлиги тургундарга ысык аба ырайында сактык чараларын көрүүнү сунуштайт: көп суу ичүү, баш кийим кийүү, табигый кездемелерден тигилген кийимдерди тандоо жана күнгө көпкө турбоо.

Фото: Дмитрий Серебряков/ТАСС