МОСКВА, 2026-жылдын 15-августу – Karavan Info маалымат агенттиги. Орусиянын президенти Владимир Путин жана Орусиянын Коопсуздук кеңешинин төрагасынын орун басары Дмитрий Медведев Түндүк Кореянын лидери Ким Чен Ынга Корея Элдик Демократиялык Республикасынын жапон оккупациясынан бошотулганынын 81 жылдыгына байланыштуу куттуктоо жөнөтүштү.

Владимир Путин куттуктоо катында 1945-жылы Кореяны бошотууга советтик жоокерлердин жана кореялык патриоттордун салымын белгилеп, дал ушул мезгилде эки өлкөнүн ортосундагы достуктун жана кызматташтыктын пайдубалы түптөлгөнүн баса белгиледи.

Орус президенти Москва менен Пхеньяндын ортосундагы мамилелер болуп көрбөгөндөй ар тараптуу стратегиялык өнөктөштүк деңгээлине жеткенин билдирди.

Дмитрий Медведев ошондой эле КЭДРдин бошотулушунун тарыхый маанисин баса белгилеп, Россия менен Түндүк Кореянын ортосундагы кызматташтыкты андан ары өнүктүрүү эки элдин кызыкчылыктарына жооп берерин жана аймактагы туруктуулукту жана коопсуздукту чыңдоого өбөлгө түзөрүн белгиледи.

Орусиянын коргоо министри Андрей Белоусов КЭДРди боштондукка чыгаруу мааракеси менен куттуктап, корей элинин кайраттуулугун жана туруктуулугун белгиледи.

Ошондой эле ал Курск облусун украин күчтөрүнөн бошотууда Түндүк Кореянын аскер кызматкерлеринин олуттуу катышуусу жөнүндө айтып, алардын орусиялык аскерлер менен биргелешкен аракеттерге кошкон салымын баса белгиледи.

Сүрөт: Орусиянын Коргоо министрлиги