БИШКЕК, 2026-жылдын 7-июлу – Karavan Info маалымат агенттиги. Пакистандын президенти Асиф Али Зардари Кыргызстанга расмий сапар менен келди. Ардактуу конокту Ысык-Көл эл аралык аэропортунан Кыргызстандын президенти Садыр Жапаров тосуп алды.

Сапардын жүрүшүндө эки өлкөнүн лидерлери кыргыз-пакистан мамилелеринин абалын жана андан аркы кызматташуу келечегин талкуулоо үчүн сүйлөшүүлөрдү өткөрүшөт. Өзгөчө көңүл соода, инвестиция, энергетика, айыл чарба, өнөр жай, саламаттыкты сактоо, билим берүү, туризм жана гуманитардык байланыштарга бурулат.

Мындан тышкары, президенттер аймактык жана эл аралык маселелер боюнча пикир алмашып, эл аралык уюмдардын алкагында кызматташууну карап чыгышат.

Ошондой эле сапардын программасында эки өлкөнүн элдеринин ортосундагы достук байланыштарды чыңдоого багытталган маданий иш-чараларга катышуу камтылган.

Сүрөт: Президенттин администрациясы