Бишкек, 2026-жылдын 14-октябры – Karavan Info маалымат агенттиги . Кыргыз Республикасынын Президенти Садыр Жапаров 14-15-октябрда Азербайжан Республикасына жумушчу сапар менен барат.

Азербайжан президенти Ильхам Алиевдин чакыруусу менен мамлекет башчысы Азиядагы өз ара аракеттенүү жана ишеним чаралары боюнча кеңешменин жетинчи саммитине катышат.

Иш-чарада мамлекет, өкмөт жана эл аралык уюмдардын башчылары байланыш, санариптештирүү жана туруктуу өсүш боюнча аймактык кызматташтыкты тереңдетүүнүн актуалдуу маселелерин талкуулашат.

Жолугушуунун жыйынтыгында кызматташтыкты андан ары өнүктүрүүгө жана бекемдөөгө багытталган бир катар документтердин кабыл алынышы күтүлүүдө.