МОСКВА, 2026-жылдын 26-сентябры – Karavan Info маалымат агенттиги. "Бирдиктүү Орусия" тогузунчу Мамлекеттик Думага шайлоодо 349 орун алды.

Бул тууралуу 25-сентябрда Орусиянын Борбордук шайлоо комиссиясынын төрайымы Элла Памфилова добуш берүүнүн жыйынтыктарын чыгаруу боюнча жыйында билдирди.

Партия жалпысынан 140 мандаттын ичинен федералдык шайлоо округунан, 209ун бир мандаттуу округдардан алган.

Орусия Федерациясынын Коммунисттик партиясы 37 мандат, Орусиянын Либералдык-демократиялык партиясы – 23, Жаңы адамдар – 19 жана Адилеттүү Орусия – 17 мандат алышкан.

Орусиядан тышкары жерлерде добуш берүүгө жалпысынан 280 355 шайлоочу катышкан. Шайлоо участоктору 152 өлкөдө ачылып, жалпысынан 333 шайлоо участогу иштеп жатат.

Мамлекеттик Думага шайлоо 18–20-сентябрь күндөрү өткөрүлдү. 39 аймакта мыйзам чыгаруу органдарына шайлоо жана Россия Федерациясынын субъектилеринин башчыларын шайлоо бир эле учурда өткөрүлдү.

Орусиянын президенти Владимир Путиндин айтымында, 2026-жылдагы добуш берүүгө рекорддук сандагы жарандар катышкан.

Сүрөт: Екатерина Штукина / ТАСС