ООГАНИСТАН, 2026-жылдын 15-июну – Karavan Info маалымат агенттиги. Кабулда "Ооган онлайн таксиси" деп аталган такси кызматы ишке кирди. Компания атайын мобилдик тиркеме аркылуу суткасына 24 саат кызмат көрсөтөөрүн билдирди.

Талибандын Транспорт жана жарандык авиация министрлиги Afghan Online Taxi компаниясынын ишке киришин кубаттап, Кабулдун тургундары үчүн ыңгайлуулукту жакшыртуу жана такси бааларын жөнгө салуу үчүн компанияга лицензия бергенин билдирди.

Afghan Online Taxi өзүнүн тиркемеси аркылуу күнү-түнү кызмат көрсөтөт. Компаниянын башкы директору Дауд Ализада өлкө жарандарынын коомдук транспорттогу көйгөйлөрүн азайтуу үчүн заманбап технологияларды колдонууга умтулуп жатканын билдирди.

Ошол эле учурда, Кабулдун тургундары кызматтын ишке киришине оң баа берип, бул коопсуздук жана экономикалык жактан пайдалуу кадам экенин белгилешти.

Онлайн таксилер Ооганстан үчүн жаңы тажрыйба катары каралат, бирок шаардын так дарек системасынын жоктугу, ошондой эле айрым аймактарда көчөлөрдүн аталыштарынын жана белгилердин жоктугу алардын натыйжалуу иштешиндеги негизги көйгөйлөрдүн бири бойдон калууда.

Сүрөт: Памир жаңылыктары