Бишкек, 2026-жылдын 23-июну – Karavan Info маалымат агенттиги. Кыргызстандын президенти Садыр Жапаров бүгүн, 23-июнда Нарын облусуна жумушчу сапар менен барат. Бул тууралуу президенттин басма сөз катчысы Аскат Алагозов билдирди.

Мамлекет башчысы аймактын тургундары менен жолугушууларды өткөрүп, ири инфраструктуралык, турак жай жана социалдык долбоорлордун ишке ашырылышын карап чыгат.

Мындан тышкары, президент Нарын облусунун учурдагы социалдык-экономикалык абалы жана андан ары өнүктүрүү келечеги боюнча жергиликтүү өз алдынча башкаруу органдарынын жетекчилеринин маалыматын угат.

Сүрөт: Кыргызстан президентинин басма сөз кызматы.