Саламаттык сактоо министри Алымкадыр Бейшеналиев күн мурун, 12-декабрда Режеп Тайып Эрдоган атындагы Бишкек мамлекеттик кыргыз-түрк достугу ооруканасына барды. Бул тууралуу ведомствонун басма сөз кызматынан билдиришти. 

Иш сапардын алкагында ал оорукананын жетекчилиги менен жумушчу кеңешме өткөрүп, анда мекеменин базасында органдарды трансплантациялоону уюштуруу жана аны өнүктүрүү пландары талкууланды.

Талкуунун негизги темасы 2024-жылдын 5-ноябрында Кыргыз Республикасы менен Түркиянын ортосунда кол коюлган Макулдашууну ишке ашыруу боюнча мындан аркы кадамдар болду.

Бул Макулдашуу медицина тармагында, анын ичинде кадрларды даярдоо, техникалык жабдуу жана органдарды трансплантациялоо боюнча операцияларды уюштуруу боюнча кызматташтыкты тереңдетүүгө негиз түзөт.

Ақпарат көзі: сайт https://caravan-info.kg/