БИШКЕК, 2026-жылдын 31-августу – Karavan Info маалымат агенттиги. Кытай Эл Республикасынын төрагасы Си Цзиньпин 30-августта мамлекеттик сапар менен Кыргызстанга келди.

"Манас" эл аралык аэропортунда Си Цзиньпинди жана Кытай Эл Республикасынын биринчи айымы Пэн Лиюанды Кыргыз Республикасынын президенти Садыр Жапаров жана биринчи айым Айгүл Жапарова тосуп алышты.

Садыр Жапаров менен Си Цзиньпин келгенден кийин расмий эмес жолугушуу өткөрүштү. Кечки тамак учурунда эки өлкөнүн лидерлери эки тараптуу кызматташтыктын учурдагы маселелерин жана алдыдагы расмий иш-чаралардын негизги темаларын талкуулашты.

Кытайдын төрагасы ошондой эле Шанхай кызматташтык уюмуна мүчө мамлекеттердин башчыларынын кеңешинин жыйынына жана ШКУ Плюс форматындагы жыйынга катышат.

1-сентябрда Бишкекте ШКУга мүчө мамлекеттердин башчыларынын кеңешинин кезектеги жыйыны, ошондой эле "ШКУ Плюс" форматындагы саммит өтөт.

Сүрөт: Кыргызстан президентинин администрациясы