ООГАНЫСТАН, 2026-жылдын 13-октябры – Karavan Info маалымат агенттиги. Талибандын ички иштер министри Сиражуддин Хаккани Кабулда Европа Биримдигинин Ооганстан боюнча атайын өкүлү Томас Фреллесен менен жолугушту.

Тараптар кызматташуу, коопсуздук маселелерин жана Ооганстан менен Пакистандын ортосундагы пикир келишпестиктерди чечүү жолдорун талкуулашты.

Дүйшөмбү күнү, 12-октябрда, Талибандын Ички иштер министрлиги жолугушууда Ооганстан менен Европа Биримдигинин ортосундагы эки тараптуу мамилелер жана кызматташуу маселелери ар тараптуу талкууланганын билдирди.

Агенттиктин маалыматы боюнча, жолугушуунун катышуучулары Ооганстандагы коопсуздук абалы, аймактык туруктуулук жана баңгизатка каршы күрөшүү чаралары боюнча талкуу жүргүзүштү.

Сиражуддин Хаккани өз ара түшүнүшүүнүн жана учурдагы көйгөйлөрдү чечүү үчүн үзгүлтүксүз жолугушуулардын маанилүүлүгүн белгиледи.

Мындан тышкары, тараптар ооган качкындарынын көйгөйлөрүн, алардын мекенине кайтып келүү процессин жана гуманитардык жардам көрсөтүүнү талкуулашты.

Министрликтин маалыматы боюнча, жолугушуунун катышуучулары ошондой эле Ооганстан менен Пакистандын ортосундагы көйгөйлөрдү аймактык аракеттер алкагында чечүү зарылдыгын талкуулашты. Бул талкуунун чоо-жайы айтылган жок.

Сүрөт: Бахтар жаңылыктары