КРнын Соода-өнөр жай палатсынын президенти Темир Сариев Сиань шаарынын Соода палатасынын вице-президенти Чуан Жие менен жолугушту.

Кыргыз-кытай ишкерлеринин ортосундагы эки тараптуу кызматташтыкты өнүктүрүү жана экономикалык байланыштарды чыңдоо маселелери талкууланды.

Чуан Жие мырза Кытай тарап Кыргызстанда жергиликтүү бизнес коомчулугу менен өз ара аракеттешүүнү кеңейтүүгө кызыкдар экенин билдирип, тажрыйба алмашуунун жана эки тараптуу инвестицияларды колдоонун маанилүүлүгүн белгиледи. Сиань-Бишкек аба каттамдарынын ачылышы өлкөлөр ортосундагы соода жана ишкердик байланыштарды чыңдоо үчүн кошумча мүмкүнчүлүктөрдү түзүп, логистиканы жана товар жүгүртүүнү жеңилдетмекчи.

Темир Сариев Кытай менен экономикалык мамилелерди бекемдөөгө жана өнөктөштүктү өнүктүрүүгө багытталган демилгелерди колдоого даяр экенин баса белгиледи. Жолугушуу эки өлкөнүн ишкердик коомчулугунун кызыкчылыгына ылайык жаңы долбоорлорду түзүүдө маанилүү кадам болду.

Ақпарат көзі: сайт https://caravan-info.kg/