ООГАНСТАН, 2026-жылдын 3-майы – Karavan Info маалымат агенттиги. ЖМКлардын билдирүүлөрүнө караганда, Талибандын жетекчилиги бардык куралчан жоокерлерге аскердик бөлүктөрдө смартфондорду (смартфондор – бул акылдуу телефондор) колдонууну токтотуп, байланыш үчүн жөнөкөй уюлдук телефондорго өтүүнү буйрук кылган.
Аскер кызматкерлерине шилтеме берген булактардын айтымында, мындан ары жоокерлер байланыш үчүн "кадимки телефондорду" гана колдонушу керек.
Чечим жогорку жетекчилик тарабынан кабыл алынганы жана бардык аскердик бөлүктөрдө дароо күчүнө кирери баса белгиленет.
Талибан буга чейин смартфондорду колдонууга чектөө коюу маселесин бир нече жолу көтөргөн. Жогорку билим берүү министри Нида Мохаммад Надим смартфондорду "душман" деп атап, аларды билим берүү мекемелеринде колдонууну чектөөнү талап кылган.
Сүрөт: Улуттук тел.