Казакстан аба каттамдарынын географиясын кеңейтүүдө. Вьетнамдын Vietjet Air авиакомпаниясы Астана менен Фу-Куок аралынын ортосунда түз каттамдарды ачканын жарыялады.

Ушул күздөн баштап Airbus A330 учактары жумасына эки жолу, шаршемби жана ишемби күндөрү уча баштайт. Жаңы каттам Казакстандан келген туристтерге Вьетнамдын популярдуу курортуна оңой жетүүгө мүмкүндүк берет, ошондой эле эки өлкөнүн ортосундагы экономикалык байланышты бекемдейт.

Казакстан менен Вьетнамдын ортосунда түз авиакаттамдардын ачылышы туризмди, сооданы жана инвестицияны өнүктүрүү үчүн жаңы мүмкүнчүлүктөрдү түзөт. Бул чечим эки өлкөнүн эки тараптуу мамилелерди чыңдоо боюнча биргелешкен аракеттеринин натыйжасы болду.

Сүрөт: Казакстан Республикасынын Транспорт министрлиги