МОСКВА, 2026-жылдын 5-сентябры – Karavan Info маалымат агенттиги. АКШ президентинин элчилери Стив Виткофф жана Джаред Кушнер ишемби күнү Москвага үчүнчү жолу келишти. Америкалык өкүлдөрдү ташыган учак саат 13:00 чамасында өкмөттүк аэропорт болгон Внуково аэропортуна конду.
Кремлдин басма сөз катчысы Дмитрий Песковдун айтымында, Владимир Путин ишемби күнү Виткофф жана Кушнер менен жолугушат.
Аларды аэропорттон Россия президентинин атайын өкүлү Кирилл Дмитриев тосуп алды.
Дональд Трамп бир күн мурун өзүнүн өкүлдөрү Украинадагы согушту токтотуу боюнча америкалык сунуш менен Москва менен Киевге бара жатканын жарыялаган. Бирок, Ак үйдүн башчысы тынчтык планынын чоо-жайын ачыктаган жок.
Владимир Зеленский Москвадан кийин Витков менен Кушнер Киевге барарын ырастады. Ал Украина алардын сапары учурунда Москвага сокку урбай турганын билдирди.
Сүрөт: Рейтер