Бишкек, 2026-жылдын 22-июну – Karavan Info маалымат агенттиги. Өзбекстандын премьер-министри Абдулла Арипов иш сапары менен Кыргыз Республикасына келди, деп билдирди Министрлер кабинетинин басма сөз кызматы.
Аны Ысык-Көл эл аралык аэропортунан Министрлер кабинетинин төрагасы Адылбек Касымалиев тосуп алды.
Белгилей кетсек, эртең, 23-июнда, Министрлер кабинетинин төрагасы Адылбек Касымалиев жана Өзбекстандын премьер-министри Абдулла Ариповдун төрагалыгы астында эки тараптуу кызматташтык боюнча биргелешкен өкмөттөр аралык комиссиянын 12-жыйыны тар жана кеңейтилген курамдарда өтөт.
Жолугушуулардын жүрүшүндө эки тараптуу кызматташтыктын негизги багыттары талкууланып, бир катар документтерге кол коюлат.
Сүрөт: Кыргыз Республикасынын Министрлер Кабинети