Молдова орустарга жарандык алуу процессин кыйындатат

Молдова Республикасынын Өкмөтү республиканын Мамлекеттик кызмат көрсөтүүлөр агенттигине жарандык жөнүндө жаңы мыйзам долбоорун май айынын аягына чейин киргизүүнү тапшырды. Жаңы мыйзам долбооруна ылайык, жарандыкка талапкерлер мамлекеттик тилди билүү боюнча сынактан өтүшү керек, бул КМШ өлкөлөрүнүн, анын ичинде Россиянын жарандарына кыйынчылык жаратышы мүмкүн.

Молдованын Мамлекеттик кызмат көрсөтүүлөр агенттигинин маалыматы боюнча, 2022-жылдын февралынан 2023-жылдын сентябрына чейин Орусиядан Молдова жарандыгын алуу үчүн 9 миңге жакын жаран кайрылган.

Акыркы эки жылда жарандык алуу үчүн арыздардын 70% орус жарандары, 20% украин жарандары тарабынан берилген.