Самарқандта «Цифрлық көлік дәліздері» халықаралық форумы өз жұмысын бастады

Айдың басында Самарқандта «Цифрлық көлік дәліздері» халықаралық форумы басталды. Іс-шараға Ресей, Әзірбайжан, Қазақстан, Қырғызстан, Тәжікстан елдерінің көлік саласындағы цифрландыруды дамыту жөніндегі жауапты департаменттерінің басшылары, сондай-ақ Біріккен Ұлттар Ұйымының сауданы жеңілдету және электронды бизнес Орталығының (UN/CEFACT) төрағасы Сью Проберт ханым қатысты.

Форумды Өзбекстан Республикасы көлік министрінің орынбасары Жасурбек Чориев ашты. Форумның бірінші күні «Тасымалдау саласындағы халықаралық және трансшекаралық ынтымақтастық» және «Тұрақты көлік дәліздерін қалыптастырудағы цифрлық технологиялар» тақырыптарында сессиялар өтті.

Форумға қатысушылар цифрлық көлік дәліздерін дамыту және басқару саласындағы өзара іс-қимыл мен ынтымақтастықты дамыту қажеттілігін талқылады.