Душанбе, 31 март, – АИ «Корвон Иттилоот».  Шаҳри Санкт-Петербург оғози бақайдгириро барои форуми панҷуми ҷавонони Петербург оид ба таърих эълон намуд — як платформаи бузурги байналмилалӣ, ки ба ташаккули насли нави муҳаққиқон ва фаъолнокони иҷтимоӣ равона шудааст.

Ба иштирок шаҳрвандони Тоҷикистон аз синни 14 то 35 сола даъват мешаванд. Интихоб тариқи озмун гузаронида шуда, қабули дархостҳо то 1 май идома меёбад. Худи форум аз 13 то 15 май дар пойтахти шимолии Русия баргузор мегардад.

Ташкилкунандагон таъкид менамоянд, ки чорабинӣ аз доираи як форуми одии илмӣ фаротар буда, барномаи он бахшҳои таълимӣ, фарҳангӣ ва мубоҳисавиро дар бар мегирад. Дар доираи форум нишастҳои панелӣ бо иштироки вакилону сенаторон, мулоқотҳо, фестивали филмҳои таърихӣ ва озмуни корҳои илмӣ баргузор мегардад.

Ба рушди малакаҳои таҳлилӣ ва мубоҳиса таваҷҷуҳи махсус дода мешавад: иштирокчиён дар баҳсҳо, муаррифии лоиҳаҳои илмӣ ва суханронӣ дар назди коршиносон иштирок мекунанд. Ғолибони озмун корҳои худро ба аудиторияи васеъ пешниҳод менамоянд.

Илова бар бахши илмӣ, барнома ҳамчунин саёҳатҳо ба мавзеъҳои таърихии шаҳри Санкт-Петербург-ро дар бар мегирад, ки ба иштирокчиён имкон медиҳад муҳити фарҳангиву таърихии шаҳрро амиқтар дарк намоянд.

Коршиносон бар ин назаранд, ки иштироки ҷавонони тоҷик дар чунин ташаббусҳои байналмилалӣ на танҳо ба густариши ҷаҳонбинии илмӣ, балки ба таҳкими робитаҳои гуманитарӣ, рушди муколамаи таърихӣ ва муаррифии мактаби миллии тадқиқотӣ дар сатҳи байналмилалӣ мусоидат мекунад.

Барои иштирок, довталабон бояд дар сомонаи расмии форум бақайдгирӣ намоянд.

АКС:  https://polk.press/