Остона, 9 июли соли 2026-АИ «Караван Инфо». Вазоратҳои корҳои дохилии Қазоқистон ва Аморати Муттаҳидаи Араб ёддошти тафохумро дар бораи эътирофи тарафайн ва табодули шаҳодатномаҳои ронандагӣ имзо намуданд. Ҳуҷҷат санаи 25 июл эътибор пайдо мекунад.

Акнун қазоқистонӣ метавонад мошинҳои сабукравро дар АМА бо ҳуқуқи миллии амалкунанда идора кунад. Барои сафарҳои муваққатӣ (туризм, тиҷорат, ташрифҳои хусусӣ) расмиёти иловагӣ талаб намуда намешавад. Ҳангоми кӯчидан ба ҷои истиқомати доимӣ ва гирифтани иҷозатномаи истиқомат ҳуқуқҳоро бе супоридани имтиҳонҳо иваз намудан мумкин аст, аммо танҳо дар категорияҳои «В» ва «В1» (мошинҳои сабукрав). Барои категорияҳои дигар (автобусҳо, мошинҳои боркаш) қонунгузории кишвари қабулкунанда амал мекунад.

Муовини раиси кумитаи полиси маъмурии ВКД Алибек Кениспаев таъкид намуд, ки ёддошт шаҳрвандонро аз расмиети иловагии маъмурӣ раҳо мекунад. Вай инчунин хотиррасон намуд, ки қазоқистониҳо дар хориҷа бояд қонунҳои маҳаллӣ ва қоидаҳои ҳаракати роҳро риоя кунанд. Ба гуфтаи ӯ, ин на танҳо вазифа, балки масъалаи эҳтиром ба кишвари будубош ва ташаккули симои мусбати Қазоқистон аст.

Аксҳо: pixabay / planet_fox