Брюссел, 17 июли соли 2026-АИ «Караван Инфо». Муовини вазири корҳои хориҷии Қазоқистон Арман Исетов дар ҷаласаи 13-уми Муколамаи сатҳи баланди «Осиёи Марказӣ иттиҳоди Аврупо» оид ба сиёсат ва амният иштирок намуд. Ҳайати ИА муовини дабири кулли хадамоти Амалиёти хориҷии Аврупо (АХА хадамоти дипломатии Иттиҳоди Аврупо) Олоф Скуг роҳбарӣ менамуд.

Иштирокчиён татбиқи созишномаҳои саммити Осиёи Марказӣ – ИА дар Самарқанд (апрели соли 2025) ва харитаи муштараки роҳ (Люксембург, октябри  соли 2023) – ро баррасӣ намуданд. Таваҷҷуҳи махсус ҳамкорӣ дар соҳаи амният, аз ҷумла идоракунии марзҳо, муқовимат ба терроризм, экстремизм ва гардиши ғайриқонунии маводи мухаддир, инчунин васеъ намудани ҳамкории мақомоти ҳифзи ҳуқуқ дода шуд.

Исетов ҳамкоронашро бо вазъи минтақа шинос намуд ва чораҳои афзоиши ҳамкории байниминтақавиро пешниҳод намуд. Дар доираи чорабинӣ вохӯрии дуҷониба баргузор шуд, ки дар он татбиқи созишномаҳои сафари президент Қасим-Жомарт Токаев ба Брюссел (санаи 22-23 июни соли 2026) баррасӣ намуда шуд.

Ҷонибҳо ӯҳдадории худро барои таҳкими минбаъдаи ҳамкорӣ дар асоси эътимод ва шарикии баробарҳуқуқ тасдиқ намуданд. Ҷаласаи навбатӣ соли 2027 ба нақша гирифта шудааст. Мулоқот дар фазои созанда баргузор шуд, иштирокчиён чорабиниҳои муштараки байналмилалиро барои солҳои 2026-2027 муҳокима карданд. ВКХ таъкид намуд, ки Қазоқистон ҷонибдори амиқ намудани шарикии стратегӣ байни Осиёи Марказӣ ва Иттиҳоди Аврупо мебошад.

Аксҳо: ВКХ-и ҶҚ