Остона, 30 июни соли 2026-АИ «Караван Инфо». Вазири корҳои хориҷии Қазоқистон Ермек Кошербаев бо муовини вазири корҳои хориҷии Индонезия Анис Матта мулоқот намуд. Ҷонибҳо дурнамои ҳамкории дуҷонибаро баррасӣ намуданд.

Кошербаев таъкид намуд, ки ҳамкорӣ бо Индонезия имкониятҳои тиҷорат, сармоягузорӣ, нақлиёт, кишоварзӣ, рақамисозӣ, маориф ва сайёҳиро фароҳам меорад. Ҷониби қазоқистон иқтидори сармоягузорӣ ва транзитӣ-логистикии худро муаррифӣ намуд.

Ҷонибҳо баргузории бомуваффақияти ҷаласаи комиссияи Муштараки ҳамкории иқтисодиро дар моҳи май қайд намуданд. Қазоқистон Индонезияро ҳамчун яке аз иштирокчиёни пешбари равандҳои минтақавӣ дар Осиёи Ҷанубу Шарқӣ, дар доираи Ассотсиатсияи давлатҳои Осиёи Ҷанубу Шарқӣ (АДОҶШ), бистгонаи Калон (G20) ва ҷаҳони ислом меҳисобад.

Омодасозии тамосҳои дарпешистодаро дар сатҳи олӣ муҳокима намуданд. Ҷониби қазоқистон ташаббуси президентро дар бораи таъсиси созмони байналмилалии об таҳти сарпарастии СММ пешниҳод намуд.

Ҷонибҳо ӯҳдадории худро ба таҳкими шарикӣ ва татбиқи ташаббусҳои муштарак тасдиқ намуданд.

Аксҳо: ВКХ ҶҚ