Остона, 19 марти соли 2026 АИ «Караван Инфо». Муовини вазири иқтисоди миллӣ Асан Дарбаев бо роҳбари идораи Авруосиёи ОЭСР Уилям Томпсон мулоқот намуд. Ҷонибҳо густариши ҳамкориро дар самтҳои асосии сиёсати давлатӣ баррасӣ намуданд.

Дарбаев ба Томпсон барои мусоидаташ ташаккур гуфт ва қайд намуд, ки аз лаҳзаи вохӯрии қаблӣ Қазоқистон ба як қатор тавсияҳои ОЭСР, аз ҷумла омор ва одоби ҷамъиятӣ ҳамроҳ шудааст.

“Мо ҳамкорӣ бо ОЭСР – ро ҳамчун воситаи муҳими баланд бардоштани сифати институтҳои давлатӣ ва рушди устувори иқтисодӣ мешуморем”, – таъкид намуд ӯ.

Ба ташаббусҳои муштарак бо дастгирии ИА, аз ҷумла лоиҳаи баланд бардоштани рақобатпазирии хатсайри байналмилалии нақлиётии Транскаспий (ХБНТ) диққати махсус дода шуд. Рушди хатсайр иқтидори транзитӣ ва ҳамгироии байни Аврупо ва Осиёро тақвият медиҳад. Қазоқистон пешниҳод намуд, ки ҳузури ОЭСР дар Осиёи Марказӣ барои татбиқи самараноки ислоҳот васеъ намуда шавад.

Таҳияи Нақшаи нави амал барои солҳои 2026-2030 бо таваҷҷӯҳ ба рушди институтсионалӣ, омӯзиши хизматчиёни давлатӣ ва ҷорӣ намудани тавсияҳо баррасӣ намуда шуд. Раванди муҳокимаи он бо мақомоти давлатӣ оғоз ёфт.

Дурнамои ҳамкорӣ дар соҳаи ЗС-ро муайян намуданд. Қазоқистон ба татбиқи масъули технологияҳо бо назардошти равишҳои ОЭСР манфиатдор аст.

Томпсон иштироки созмонро дар саммити минтақавии экологӣ (RES 2026) сааи 22-23 апрел дар Остона тасдиқ намуд. ОЭСР шарики расмӣ буда, тавсияҳо оид ба энергетика, нақлиет ва инфрасохтори устуворро пешниҳод мекунад.

Ҷонибҳо манфиати тарафайнро дар амиқ намудани ҳамкорӣ тасдиқ намуданд.

Аксҳо: Вазорати иқтисоди ҶҚ