Франкфурт-На-Майне, 26 феврали соли 2026 АИ «Караван инфо». Дар пойтахти молиявии Олмон форуми сармоягузории “Kazakhstan Investment day” баргузор шуд, ки онро бонки KfW ва кумитаи шарқии иқтисоди олмон ташкил намуданд. Дар ин чорабинӣ зиёда аз 200 намояндаи ширкатҳои олмонӣ, ассотсиатсияҳои соҳавӣ ва институтҳои молиявӣ иштирок намуданд.

Вазири саноат ва сохтмони Қазоқистон Ачаин Нагаспаев афзалиятҳои сиёсати саноатии кишварро муаррифӣ намуд. Вай корҳоро оид ба диверсификатсияи иқтисодиёт, рушди саноати коркард ва тадбирҳои ҷалби сармоягузории хориҷӣ қайд намуд.

“Дар 20 соли охир ҳаҷми сармоягузории мустақими Олмон ба иқтисоди Қазоқистон аз 6,5 миллиард евро зиёд аст, ки тақрибан 90% сармоягузорӣ ба саноати коркард рост меояд. Дар портфели лоиҳаҳои муштарак 43 ташаббус ба маблағи 54,3 миллиард доллар мавҷуд аст, ки 20 адади он аллакай амалӣ шуда, тақрибан 3 ҳазор ҷойҳои корӣ таъсис дода шудаанд”, – хабар дод Нагаспаев.

Дар форум баҳсҳо оид ба саноат, ашёи хом, логистика ва воситаҳои маблағгузорӣ барои сармоягузорон баргузор шуданд. Вазир бо роҳбарияти Ширкатҳои Airbus, Noble Elements, D. A. R Metal, Schachtbau Nordhausen ва Thyssen Schachtbau, инчунин бо котиби давлатӣ Томас Штеффен ва директори идоракунандаи кумитаи Шарқӣ Михаэл Хармс мулоқот намуд.

Созишномаи нияти маблағгузорӣ байни KFW IPEX-Bank ва Solidcore Resources plc бо қарзи 100 миллион доллар барои сохтмони комбинати гидрометаллургии Ортис бо технологияи оксидшавии автоклав ба имзо расид.

Аксҳо: Вазорати Саноат ва сохтмони ҶҚ