Остона, 02 июли соли 2026-АИ «Караван Инфо». Президенти Қазоқистон Касим-Жомарт Токаев вазири федералии иқтисод ва энергетикаи Олмон Катерина Райхеро қабул намуд. Ҷонибҳо таҳкими ҳамкориҳои дуҷонибаро дар иқтисодиет, энергетика, саноат ва рақамисозӣ баррасӣ намуданд.

Сарвари давлат таъкид намуд, ки Олмон яке аз шарикони асосии тиҷоратӣ ва сармоягузории Қазоқистон боқӣ мемонад. Аз соли 2005 ширкатҳои олмонӣ ба иқтисодиёти кишвар беш аз 8 миллиард доллар сармоягузорӣ намудаанд, асосан ба бахши ғайриманқул.

“Қазоқистон омода аст, ки тамоми шароити заруриро барои васеъ намудани ҳузури тиҷорати олмон дар бозори мо таъмин кунад”, — қайд намуд Касим-Жомарт Токаев.

Президент инчунин дар бораи дигаргуниҳои сиёсӣ ва Эътибор пайдо намудани Конститутсияи нав, ки рушди минбаъдаи кишварро муайян мекунад, сухан гуфт.

Катерина Райхе дастовардҳои Қазоқистонро баланд арзёбӣ намуд ва аҳамияти онро ҳамчун бузургтарин шарики тиҷоратию иқтисодии Олмон дар Осиёи Марказӣ таъкид намуд.

“Қазоқистон барои густариши минбаъдаи ҳамкории дуҷониба иқтидори бузург дорад”, — изҳор дошт вазир.

Дар вохӯрӣ ба ҳамкорӣ дар соҳаи энергетика, металлҳои нодир ва инфрасохтори нақлиетӣ-логистикӣ диққати махсус дода шуд.

Аксҳо: Акорда