Остона, 21 июли соли 2026-АИ Караван Инфо. Дар Қазоқистон қоидаҳои идоракунии пасандозҳои нафақа тағйир меёбанд. Аз моҳи сентябри соли 2026 шаҳрвандон метавонанд то 100% маблағҳои худро аз РКПФ ба идоракунии боэътимоди менеҷери хусусии портфели сармоягузорӣ (УИП) интиқол диҳанд, дар ҳоле, ки қаблан лимити 50% амал менамуд.
“Қазоқистониҳо имконият пайдо намуданд, ки стратегияи сармоягузориро мустақилона интихоб кунанд ва то 100% пасандозҳои нафақаи худро ба идоракунӣ супоранд”, — хабар доданд дар Вазорати меҳнат ва ҳифзи иҷтимоии аҳолӣ.
Дар ин ҳолат кафолати давлатии ҳифзи саҳмияҳои ҳатмии нафақа пурра нигоҳ дошта мешавад. Барои онҳое, ки муносибати консервативиро афзалтар медонанд, идоракунандаи асосӣ бонки Миллии Қазоқистон боқӣ мемонад, ки вазифаи он таъмини даромаднокии дарозмуддат аз сатҳи таваррум мебошад.
Вазорат инчунин қайд намуд, ки аз соли 2027 механизми ҷуброни яквақтаи таваррум ҳангоми ба нафақа баромадан оптимизатсия намуда мешавад. Ҳамзамон, корҳо оид ба навсозии низоми нафақа, аз ҷумла ҷорӣ намудани механизмҳои нави суғурта, ки бояд ба қазоқистониҳо пардохтҳои устувори абадиро таъмин кунанд, идома доранд.
Аксҳо: вазорати меҳнат ва ҳифзи иҷтимоии аҳолӣ