Остона, 22 июли соли 2026-АИ «Караван Инфо». Вазири корҳои хориҷии Қазоқистон Ермек Кошербаев бо сафири Олмон Моника Иверсен ба муносибати анҷоми рисолати дипломатии ӯ мулоқот намуд.

Раиси идораи сиёсати хориҷӣ сатҳи стратегии шарикии байни кишварҳоро баланд арзёбӣ намуд. Вай аҳамияти сафари февралии худро ба Берлин ва иштирок дар вохӯрии вазирии формати “Осиёи Марказӣ – Олмон” қайд кард, ки дар он нияти амиқ намудани ҳамкорӣ тасдиқ намуда шуд.

Кошербаев ба сафир ордени «Достиқ» (дар тарҷума аз забони қазоқӣ «Дусти») дараҷаи дуюмро ба нишони эътирофи саҳми шахсии ӯ дар таҳкими робитаҳои дӯстона байни халқҳо супорид.

Моника Иверсен барои дастгирии худ дар давраи дар Қазоқистон будан ташаккур гуфт ва итминон дод, ки Олмон омода аст муколамаи созандаро дар асоси эҳтиром ва эътимоди тарафайн идома диҳад.

Аксҳо: ВКХ-и ҶҚ