Остона, 27 марти соли 2026-АИ «Караван Инфо». Ширкати KTZ Express интиқоли нави орди гандуми қазоқистонро аз тариқи хатсайри Костанай – Ню – Йорк бо истифода аз инфрасохтори Хатсайри байналмилалии транскаспий (долони Миёна) ташкил намуд. Интиқол 10 –уми марти соли 2026 сурат гирифт, ҳаҷм – 24 тонна маҳсулоти истеҳсолкунандаи SALAMAT Company LLP.

Интиқол дар формати контейнерии мултимодалӣ бо истифодаи пайдарпайи нақлиёти роҳи оҳан ва баҳрӣ амалӣ намуда мешавад. KTZ Express контейнеризатсия ва интиқоли борро аз Костанай ба бандари Актау таъмин намуд, сипас борро тавассути Каспий ба бандари Алат (Озарбойҷон), сипас тавассути баҳри Сиёҳ аз бандари Поти (Грузия) бо баромадан аз Истамбул ба баҳри Миёназамин интиқол доданд.

Дар марҳилаи ниҳоӣ, масир аз Уқёнуси Атлантик ба бандари Ню-Йорк мегузарад. Интиқоли баҳриро яке аз ширкатҳои калонтарини киштикашонии ҷаҳон CMA CGM амалӣ мекунад. Мӯҳлати умумии транзитӣ тақрибан 58 рӯз аст.

KTZ Express қайд мекунад, ки ширкат назорати пурраи интиқолро аз фиристодан ба нуқтаи ниҳоӣ таъмин мекунад, ки эътимоднокӣ ва шаффофияти занҷири логистикӣ ва инчунин самаранокии хатсайрро барои ворид шудан ба бозорҳои нав тасдиқ мекунад.

Сурат: ВК ҶҚ