Остона, 20 августи соли 2026-АИ «Караван Инфо». Санаи 29 август дар майдони Амфитеатри Актау фестивали миллии «SHUBAT FEST-2026» (Шубат Фест – 2026) баргузор мешавад. Чорабинии мазкур аз ҷониби ҳукумати вилояти Мангистау ташкил намуда мешавад. Мақсади асосии он муайян намудани беҳтарин истеҳсолкунандагони шубат, маъмулгардонии нӯшокии анъанавӣ ва дастгирии шутурҳои ватанӣ мебошад.

Фестивал ба тақвими ҷумҳуриявии чорабиниҳои сайёҳӣ ва тақвими миллии рӯйдодҳо барои соли 2026 дохил намуда шуд.

Иштирокчиён барои унвони беҳтарин истеҳсолкунандаи шубат мубориза мебаранд ва инчунин курт, балқаймақ, десертҳо, яхмос, қаҳва ва коктейлҳои бо шири шутурро муаррифӣ мекунанд. Дар финал 20 нафар истеҳсолкунандагон иштирок мекунанд. Сифати маҳсулотро лабораторияи мустақили аккредитатсияшуда месанҷад.

Ғолибон аз рӯи натиҷаҳои овоздиҳии мардумӣ 20%, арзёбии лабораторӣ 40% ва қарори ҳакамони касбӣ 40% муайян намуда мешаванд. Ҷоизаи асосӣ мошин, инчунин мукофоти пулӣ то 1 миллион тенге пешбинӣ шудааст.

«SHUBAT FEST – 2026» (Шубат Фест-2026) майдончаи пешбурди шубат ҳамчун бренди миллии гастрономӣ ва рушди сайеҳии гастрономӣ дар Мангистау хоҳад буд. То 25 ҳазор меҳмон интизор ҳастанд.

 Сурат: ВСВ  ҶҚ