Душанбе, 25 сентябр, – АИ «Корвон Иттилоот». Дар шаҳри Душанбе— CARC 2026 ба кори худ оғоз кард. Дар ҳамоиш намояндагони мақомоти давлатӣ, идораҳои роҳдорӣ, созмонҳои байналмилалӣ, ширкатҳои роҳсозиву консалтингӣ, олимон ва коршиносони соҳа аз кишварҳои Осиёи Марказӣ ва дигар минтақаҳои ҷаҳон иштирок доранд.

Конфронс дар меҳмонхонаи «Hyatt Regency Dushanbe» баргузор шуда, то 26 сентябр идома меёбад. Меҳвари асосии барномаи он рушди инфрасохтори роҳу нақлиёт, таҳкими ҳамкориҳои минтақавӣ ва ҷустуҷӯи роҳҳалҳои муосир барои баланд бардоштани сифат ва устувории шабакаҳои роҳӣ мебошад.

Дар доираи ҳамоиш масъалаҳои рушди ҳамкориҳои минтақавӣ дар соҳаи роҳсозӣ ва логистика, табодули таҷрибаи касбӣ, истифодаи технологияҳои инноватсионӣ ва такмили инфрасохтори нақлиётӣ баррасӣ мешаванд. Ба самтҳои ояндаи рушди шабакаҳои устувори роҳҳо, ки ба талаботи афзояндаи пайвастшавии нақлиётии минтақа ҷавобгӯ бошанд, низ таваҷҷуҳи махсус зоҳир мегардад.

Дар муҳокимаҳо намояндагони сохторҳои давлатӣ, созмонҳои байналмилалӣ, ширкатҳои роҳсозӣ ва ҷомеаи касбии коршиносӣ иштирок мекунанд. Чунин ҳайати васеи иштирокчиён имкон медиҳад, ки масъалаҳои рушди инфрасохтори роҳҳо аз нуқтаи назари техникӣ, сармоягузорӣ ва ҳамкориҳои минтақавӣ мавриди баррасӣ қарор гиранд.

Барои Осиёи Марказӣ рушди шабакаи босифати роҳҳо на танҳо барои беҳтар намудани робитаҳои дохилии нақлиётӣ, балки барои густариши робитаҳои минтақавӣ ва байналмилалии логистикӣ аҳамияти муҳим дорад.

Дар ин замина, табодули таҷриба ва баррасии технологияҳои нав дар доираи CARC 2026 ба таҳияи роҳҳалҳои амалӣ барои рушди минбаъдаи инфрасохтори роҳҳои кишварҳои минтақа мусоидат мекунад.

Конфронс то 26 сентябр идома хоҳад кард. Аз ҷумла, густариши ҳамкориҳои касбӣ, муаррифии имкониятҳои нави ҳамкорӣ ва ташаккули равишҳо барои рушди минбаъдаи инфрасохтори роҳу нақлиёти Осиёи Марказӣ аз натиҷаҳои интизории ҳамоиш ба шумор мераванд.

АКС: Хадамоти матбуоти Вазорати нақлиёти Тоҷикистон