Остона, 23 июни соли 2026-АИ «Караван Инфо». Дар пойтахт дар Қасри яккаҷанбаи ба номи Жаксилик Ушкемпиров чемпионати иттиҳоди Алтай оид ба таеквондо кушода шуд. Дар ин мусобиқа дастаҳои Мунтахаби Озарбойҷон, Қирғизистон, Муғулистон, Корея, Русия, Туркия, Узбекистон ва Қазоқистон ширкат мекунанд.

Вазири сайёҳӣ ва варзиш Ербол Мирзабосинов қайд намуд, ки баргузории мусобиқа дар Остона ба рушди таеквондо дар кишвар такони нав мебахшад ва майдончаи таҷрибаи варзишгарони ҷавон хоҳад буд.

Президенти федератсияи ҷаҳонии таеквондо (World Taekwondo) доктор Чунгвон Чоу изҳор дошт, ки иттиҳоди Алтай барои дӯстӣ, ҳамкорӣ ва ваҳдат таъсис ёфтааст, ки на танҳо марзҳо, балки фарҳангҳо ва наслҳои ояндаро муттаҳид мекунад.

Президенти Федератсияи таеквондои Қазоқистон Кудрат Шамиев таъкид намуд, ки чемпионат бори аввал дар Қазоқистон баргузор мешавад, робитаҳои варзишии байни кишварҳоро тақвият медиҳад ва ба варзишгарони ватанӣ таҷрибаи байналмилалӣ медиҳад.

Дар доираи маросим дастаи расмии намоишӣ (Demo Team) – и Федератсияи Ҷаҳонӣ баромад намуд. Инчунин тизери филми пурра дар бораи таеквондо аввалин чунин филм дар Қазоқистон пешниҳод намуда шуд. Наворбардорӣ дар Қазоқистон ва Корея сурат гирифт, ки нахустнамоиши он моҳи октябр ба нақша гирифта шудааст.

Мусобиқаи наврасон ва калонсолон ба тақвими расмии World Taekwondo дохил намуда шудааст ва то 23 июн идома меёбад.

Аксҳо: Вазорати Сайёҳӣ ва варзиши ҶҚ