Канастота, 15 июни соли 2026 АИ Караван Инфо. Муштзани қазоқистонӣ Геннадий Головкин аввалин намояндаи Қазоқистон шуд, ки бо тантана ба толори байналмилалии шӯҳрати бокс (IBHOF International Boxing Hall of Fame) дохил намуда шуд. Маросим дар Канастота (штати Ню-Йорк, ИМА) баргузор шуд.

Головкин дар кӯшиши аввал ба “Класс 2026” дохил шуд. Номи ӯ бо Муҳаммад Али, Майк Тайсон, Флойд Мейвезер ва Мэнни Пакяо якҷоя шуд.

Дар ринги ҳаваскорон қазоқистонӣ дар 350 муҳориба 345 ғалаба ба даст овард. Дар касбӣ 45 мубориза гузаронид: 42 ғалаба (37 нокаут). Вай унвонҳои қаҳрамони ҷаҳонро аз рӯи версияҳои ассотсиатсияи ҷаҳонии бокс (WBA), шӯрои ҷаҳонии бокс (WBC), федератсияи Байналмилалии бокс (IBF), созмони Байналмилалии бокс (IBO), камарбанди бонуфузи маҷаллаи Ринг (The Ring) дошт ва муддати тӯлонӣ рейтинги ҷаҳонии паунд-фор-паунд (P4P беҳтарин новобаста аз категорияи вазн) – ро роҳбарӣ менамуд.

Рекордҳои Головкин: силсилаи пирӯзӣ аз 23 нокаути пай дар пай (дарозтарин дар таърихи вазни миёна), 21 ҳимояи муваффақи унвонҳо. Нишондиҳандаи авҷи пирӯзиҳои пеш аз мӯҳлат (беш аз 90 фоиз) ба Китоби рекордҳои Гиннес дохил намуда шудааст.

Имрӯз Головкин кумитаи Миллии олимпии Қазоқистон ва созмони байналмилалии Ворлд Боксинг (World Boxing) — ро роҳбарӣ мекунад ва аввалин президенти қазоқистонӣ-президенти федератсияи байналмилалии варзишӣ мешавад.

Аксҳо: КОМ ҶҚ