Душанбе, 13 май, – АИ «Корвон Иттилоот». Дар доираи сафари давлатии Президенти Ҷумҳурии Тоҷикистон ба Ҷумҳурии Мардумии Чин 12 май Пешвои миллат муҳтарам Эмомалӣ Раҳмон дар Пекин ба пояи муҷассамаи «Қаҳрамонҳои миллӣ» гулчанбар гузошт.

Маросим ҳамчун нишони эҳтиром ба таърихи бой ва чандҳазорсолаи ҳамсоякишвари дӯст — Чин, инчунин ба тамаддун ва фарҳанги он баргузор гардид. Иштироки намояндагони баландпояи Ҳукумати Ҷумҳурии Мардумии Чин ба ин чорабинӣ аҳамияти махсус ва рамзӣ бахшид.

Чунин маросимҳо дар ҷараёни сафарҳои давлатӣ одатан на танҳо эҳтироми байнидавлатиро ифода мекунанд, балки иродаи ҷонибҳоро барои таҳкими боварии сиёсӣ, хотираи таърихӣ ва ҳамдигарфаҳмӣ миёни мардумон низ бозтоб медиҳанд.

Сафари Эмомалӣ Раҳмон ба Чин идомаи муколамаи фаъоли сиёсӣ миёни ду кишвар мебошад, ки пайваста ҳамкориҳои стратегиро дар бахшҳои тиҷоратию иқтисодӣ, инфрасохторӣ, гуманитарӣ ва фарҳангӣ густариш медиҳанд.

АКС: Хадамоти матбуоти Президенти Ҷумҳурии Тоҷикистон