Душанбе, 04 апрел, – АИ «Корвон Иттилоот». Дар тӯли нӯҳ моҳи оянда Осиё ба майдони бузургтарин рӯйдоди футболӣ дар қитъаи ҷаҳон табдил хоҳад ёфт — 19-умин Ҷоми Осиё. Мусобиқа, ки аз 7 январи то 5 феврали соли 2027 дар Арабистони Саудӣ баргузор мешавад, сатҳи нави рушди футбол дар минтақа ва озмоиши ҷиддӣ барои ҳамаи ширкаткунандагон, аз ҷумла тими миллии Тоҷикистонро пешбинӣ мекунад.
АКС: Федератсияи футболи Тоҷикистон
Ин дафъа теъдоди иштирокчиён ба 24 даста васеъ гардида, сатҳи рақобатро баланд мебардорад ва ҳар бозӣ аҳамияти калидӣ пайдо мекунад. Барои Тоҷикистон ин на танҳо иштирок аст — ин имконият барои исботи он аст, ки муваффақияти Ҷоми Осиё-2023, ки даста то нимҳимфинал расида буд, тасодуфӣ набуд ва оғози давраи нави футболи кишвар мебошад.
Арабистони Саудӣ бори аввал чунин мусобиқаи бузургро мизбонӣ мекунад. Бозӣҳо дар ҳашт варзишгоҳи муосир дар се шаҳр — Эр-Риёд, Ҷидда ва Эль-Хубар баргузор мешаванд. Аз ҷумла King Fahd Stadium бо зиёда аз 70 ҳазор ҷой ва King Abdullah Sports City дар Ҷидда. Ташкилкунандагон ба тамошобобӣ, сатҳи баланди инфрасохтор ва ташкилоти касбӣ диққат медиҳанд, то минтақа дар сатҳи нав нишон дода шавад.
Формати мусобиқа ҳамонанд, ки маъмул аст: 24 даста ба шаш гурӯҳ бо чор даста тақсим мешаванд. Ду дастаи беҳтарин аз ҳар гурӯҳ ва чор дастаи беҳтарин миёни ҷойгиршудагони сеюм ба плей-офф мерасанд. Пас аз он — марҳилаҳои «баровардани дастаҳо», аз ҷумла 1/8 финал, нимҳимфналы ва финал. Ин формат рақобати шадидро эҷод мекунад: як хато дар марҳилаи гурӯҳӣ метавонад аз роҳёбии плей-офф маҳрум созад.
Ҳайати иштирокчиён қариб пурра муайян гардидааст. Дар қатори фаворитҳо дастаҳои пурқудрату анъанавии қитъа — Ҷопон, Куриёи Ҷанубӣ, Эрон ва Австралия қарор доранд. Таваҷҷуҳи махсус ба Қатар — қаҳрамони дукаратаи амалкунандаи мусобиқа ва ҳамчунин Арабистони Саудӣ, ки мизбони мусобиқа аст, ҷалб мегардад.
Ҳамзамон, дар марҳилаи финалӣ дастаҳои наву пурҳадаф — Тоҷикистон, Қирғизистон, Фаластин, Индонезия ва Сингапур низ иштирок хоҳанд кард. Ин нишон медиҳад, ки сатҳи дастаҳои Осиё тадриҷан баробар шуда, географияи рақобат васеъ мешавад.
Барои Тоҷикистон Ҷоми Осиё-2027 дуввумин дар таърихи худ хоҳад буд пас аз дебюти муваффақона дар соли 2023. Имрӯз даста дигар на ҳамчун навкор, балки ҳамчун рақиби пурқуввату муташаккил шинохта мешавад. Қуръакашии гурӯҳҳо, ки таркиби онҳоро муайян мекунад, яке аз лаҳзаҳои ҷолиб хоҳад буд: эҳтимол дорад Тоҷикистон дар сабади сеюм ҷой гирад, ки ин ба дидор бо пешсафони мусобиқа ҳанӯз дар марҳилаи гурӯҳӣ меоварад.
Таҳлилгарон қайд мекунанд, ки мусобиқаи соли 2027 сатҳи нави футболи Осиёро ифода мекунад: рақобат афзуда, географияи иштирокчиён васеъ мешавад ва сатҳи ташкилот баланд мешавад. Барои мухлисони футбол ин имконият барои дидори рақобати лидери анъанавӣ бо дастаҳои амбициоз мебошад, ва барои дастаҳо — фурсати ворид кардани номи худ ба таърихи қитъа ва тақвияти мавқеи байналмилалӣ.
Иштирокчиёни Ҷоми Осиё-2027: Арабистони Саудӣ (мизбон), Ҷопон, Эрон, Куриёи Ҷанубӣ, Австралия, Узбекистон, Қатар, Ироқ, Урдун, АМА, Уман, Сурия, Баҳрайн, Таиланд, Чин, Фаластин, Ветнам, Тоҷикистон, Қирғизистон, КНДР, Индонезия, Кувайт, Сингапур, ғолиби гурӯҳи B (Лубнон ё Яман — баъдан муайян мешавад).
АКС: vietnamnet.vn