Душанбе, 21 июл, – АИ «Корвон Иттилоот». 20 июли соли 2026, Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо сафари давлатӣ ба Муғулистон ташриф оварданд. Ин сафар марҳилаи нави муҳим дар тавсеаи муносибатҳои дипломатӣ, тиҷоратӣ ва фарҳангиву гуманитарии байни ду кишвар ба ҳисоб меравад.

Дар Майдони ҳавоии байналмилалии Душанбе Президенти Ҷумҳурии Тоҷикистон муҳтарам Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, Намояндаи аввали Раҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.

Дар ин сафар Сарвари давлатро Вазири корҳои хориҷӣ, Ёрдамчии Президенти Ҷумҳурии Тоҷикистон оид ба масъалаҳои алоқаҳои хориҷӣ ва роҳбарони як қатор вазорату идораҳои дахлдори кишвар ҳамроҳӣ мекунанд.

Сафари давлатии Президенти Тоҷикистон ба Муғулистон сиёсати хориҷии пайгиронаи Душанберо дар самти гуногунҷабҳа сохтани алоқаҳо ва таҳкими ҳамкорӣ бо кишварҳои минтақаи Осиё нишон медиҳад. Интизор меравад, ки дар рафти музокироти сатҳи баланд ҷонибҳо доираи васеи ҳамкориҳои дуҷониба, аз ҷумла рушди муносибатҳои тиҷоратӣ, долонҳои нақлиётию логистикӣ, кишоварзӣ ва саноати кӯҳкориро мавриди баррасӣ қарордиҳанд.

АКС: Хадамоти матбуоти Президенти Ҷумҳурии Тоҷикистон